Greqia blen nga Franca avionë dhe anije luftarake në vlerë 3 miliardë euro

Keystone

Pas përplasjes diplomatike me Australinë dhe SHBA-në për shkak të paktit Aukus, Parisi kërkon të forcojë lidhjet ushtarake brenda Evropës.

Presidenti francez, Macron, dhe kryeministri grek, Mitsotakis, do nënshkruajnë sot një marrëveshje të mbrojtjes, e cilësuar një akord historik dhe një nga më të mëdhatë të nënshkruara në 40 vjetët e fundit në Greqi.

Marrëveshja e re përfshin angazhimin e Greqisë për të blerë anije dhe avionë luftarakë me vlerë afërsisht 3 miliardë euro, si dhe një klauzolë për ndihmën reciproke të mbrojtjes.

Marina greke ka kërkuar prej kohësh të përditësojë flotën e saj, duke blerë fregata të reja dhe duke modernizuar ato ekzistueset.

Nevoja për një ndryshim të tillë u theksua vitin e kaluar, kur Greqia u përball me një sërë tensionesh me Turqinë në Detin Egje dhe Mesdheun Lindor./Euronews