Financa
Musk e kalon Bezos, bëhet njeriu më i pasur në planet
Cilët janë këta njerëz super të pasur dhe cili është burimi i pasurisë së tyre?
Vlera neto e kombinuar e 10 njerëzve më të pasur të planetit është 1.4 trilionë dollarë. Për të krijuar një ide është pak a shumë me të njëjtën madhësi të PBB-së së Australisë.
Cilët janë këta njerëz super të pasur dhe cili është burimi i pasurisë së tyre? Më poshtë është një vështrim i 10 njerëzve më të pasur në planet dhe se si i kanë fituar miliardat e tyre, shkruan Monitor, transmeton albinfo.ch.
Cilët janë ata që bëjnë pjesë në klubin 100 miliardë dollarësh?
Aktualisht, Elon Musk është më i pasuri i të gjithëve, me vlerë neto totale 198 miliardë dollarë. Bëhet fjalë për 60 miliardë dollarë më shumë krahasuar me mesataren e gjithë grupit prej 138 miliardë dollarësh. Kjo nuk është befasuese nëse marrim në konsideratë ecurinë e mirë të aksioneve të Tesla në vitet e fundit.
Ndërkohë që shumë skeptikë presin që flluska e Tesla-s të shpërthejë – duke përfshirë edhe investitorin e famshëm Michael Burry – vlera e shoqërisë automobilistike vijon të rritet.
Me tregun aktual të kapitalizimit prej 768 miliardë dollarësh, Tesla vlen më shumë se 6 prodhuesit më të mëdhenj të automobilave së bashku.
Musk i zuri vendin Jeff Bezos, i cili vetëm pak muaj më parë mbante titullin e njeriut më të pasur në botë. Megjithatë vlen të theksohet se gjërat mund të ndryshojnë sa hap e mbyll sytë, duke qenë se dy miliarderët qëndrojnë vazhdimisht pranë.
I treti në renditje është Bernard Arnault, CEO i konglomeratit të markave luksoze Louis Vuitton Moët Hennessy (LVMH), i cili zotëron Louis Vuitton, Dior, Fendi, Loro Piana dhe Bulgari. Arnault është njeriu më i pasur në Evropë, dhe në të vërtetë për një periudhë të shkurtër në maj u bë dhe njeriu më i pasur në botë.
Nëse i hedhim një sy klasifikimit, dalin në pah dy tendenca të dukshme:
- Pjesa më e madhe e këtyre miliarderëve bëjnë pjesë në sektorin teknologjik, përveç Bernard Arnault e Ëarren Buffett
- Të gjithë njerëzit më të pasur (burra) jetojnë në Amerikë, përveç Arnault.
Duke marrë në konsideratë se sektori teknologjik amerikan është i destinuar të rritet në vitet e ardhshme, ka shumë gjasa që miliarderët teknologjikë amerikanë do të vijojnë dominimin e tyre në të ardhmen e afërt.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Sa banorë të huaj bëhen shtetas zviceranë çdo vit? Të dhënat e reja të qeverisë zbulojnë se sa shtetas të huaj bëhen zviceranë dhe cilët...
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale