Muzikë
U nderua Shyqri Nimani në 80 vjetorin e lindjes dhe 60 vjetorin e krijimtarisë
Akademi mirënjohjeje për Shyqri Nimanin, artistin unik në fushën e arteve krijuese me nje opus multidisiplinar
Ditën e premte, më 5 nëntor 2021, në Shkollën së Muzikës ”Prenk Jakova” në Gjakovë, me rastin e 80-vjetorit të lindjes dhe 60 vjetorit të opusit krijues multidisiplinar të Prof. Shyqri Nimani, shoqata “GjakovaBasel” dhe shoqata e intelektualëve “Jakova” organizuan një akademi mirënjohjeje.
Nga referuesit kryesorë dhe të tjerë, që morën fjalën, u çmua lart kontributi i tij në fusha të ndryshme të arteve figurative, të historisë dhe kulturës shqiptare. Kështu kryetari i Shoqatës së intelektualëve “JAKOVA”, Rushdi Sefa, që mbajti fjalën e hapjes dhe përshëndetjes, vuri në dukje vlerat dhe ndihmesën e Prof.Shyqri Nimanit për zhvillimin bashkëkohor të arteve figurative në Kosovë , Shqipëri dhe në shumë vende të botës.
Historiani dhe shkrimtari i mirënjohur Jusuf Buxhovi tha se Prof.Nimani, me emrin dhe veprat e tij, ka zënë me meritë të plotë e të padiskutueshme një vend nderi në listën e gjatë të krijuesve dhe studiuesve të brezit të tij.
Në këtë akademi mirënjohjeje ishin të pranishëm edhe Ministrja e Arsimit në Qeverinë e Kosovës, Arberie Nagavci, e cila mbajti një fjalë të shkurtër përshëndetëse, si dhe Ministri i Kulturës, Hajrulla Çeku.
Morën pjesë edhe familjarë dhe miq të prof. Nimanit nga Kosova, Shqipëria, dhe vendet tjera. Vetë Prof. Nimani, në fjalën e tij, përmes emocioneve të pafshehura, falënderoi shoqatat organizatore të kësaj akademie si dhe pjesëmarrësit.
Më pas ai vuri në dukje se Gjakova është një nga djepat më të shquar në nivel kombëtar për kulturën dhe artin. Si e tillë, me dashamirësinë e saj të njohur, ajo e ndihmoi atë të ecte përpara e të afirmohej në vend e në botë. Prandaj, ai ndjehej përjetësisht borxhli ndaj Gjakovës.
Ndër te tjera Prof. Shyqri Nimani njihet për karrierën e bujshme që ka lënë gjurmë artistike në vendin tonë, duke filluar me krijimin e logos së Grand Hotelit, Kosova Filmit, simbolin e Universitetit të Prishtinës, deri tek kaligrafimi me dorë në pergamenë, i Deklaratës së Shpalljes së Pavarësisë së Kosovës.
Në emër të Shoqatave “GjakovaBasel” dhe “ABSM”, me qendër në Bazel të Zvicrës, kryetari i bordit, z. Skender Nikoliqi nderoi Prof.Shyqri Nimanin me mirënjohje duke vlerësuar lartë kontributin e tij multidisiplinar. Profesorin e nderuan me mirënjohje edhe shoqata e intelektualëve “Jakova”.
Akademia u përmbyll me një koktej te shoqëruar nën tingujt e bendit ‘‘Asgjë Sikur Dielli „ me solist Alban Nimanin.
Të ngjashme
Të tjera nga Muzikë
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Cyrih
Aeroporti i Cyrihut, më i pastërti në Evropë Dhjetë aeroportet më të pastra në botë...
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich