Lajme
Berset: Shtrëngimi i masave, ende nuk është opsion për Zvicrën
Edhe pranimet në spital po rriten, por jo aq sa rritet numri i infeksioneve të reja”, ka thënë Berset. Ai nuk është treguar i gatshëm për masa më të ashpra
Këshilltari Federal Alain Berset ka hapur konferencën për media lidhur me situatën e pandemisë, që është mbajtur sot në Bernë.
“Kemi pasur një rritje të mprehtë të infeksioneve të reja në javët e fundit. Por mund të vërehen edhe dallime rajonale, sepse rritja është shumë më e fortë në Zvicrën lindore dhe qendrore. Edhe pranimet në spitale po rriten, por jo aq sa rritet numri i infeksioneve të reja”, ka thënë Berset, raporton srf.ch.
“Para së gjithash infektohen të rinjtë. Kjo na qetëson, sepse rrjedha e sëmundjes tek të rinjtë, të shumtën është më e lehtë se sa ajo tek moshat tjera. Në vendet ku ka më shumë të pavaksinuar, ka më shumë raste infektimi”, ka shtuar ministri i Shëndetësisë, transmeton albinfo.ch. Por jemi vetëm në fillim të dimrit, situata ka rrezik të përkeqësohet më tej.
Pse Këshilli Federal nuk dëshiron të frenojë rritjen e numrit të rasteve?, ka qenë një pyetje që i është shtruar ministrit. Siç dihet, shifrat po dyfishohen çdo dy javë.
Ministri i Shëndetësisë Alain Berset është përgjigjur: “Ne jemi përpjekur të marrim masat e duhura për të bërë atë që është më e mira për vendin. Dihet se të gjithë ata që kanë dashur, kanë qenë në gjendje të vaksinoheshin.
Pavarësisht një rritje të lehtë të shtrimeve në spital, situata është ende relativisht e qetë. Por: Me variantin delta, dinamika e pandemisë po ndryshon. Që atëherë është rritur kohëzgjatja e qëndrimit të pacientëve me koronavirus në repartin e kujdesit intensiv”, ka shtuar Berset. Ai ka bërë me dije se, ndryshe nga vendet fqinje, Zvicra ende nuk mendon se është koha për një shtrëngim të ri të masave. “Për momentin nuk shtrohet nevojë e ngutshme për masa shtesë. Numri aktualisht në rritje i rasteve me korona do të ndiqet nga afër”.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë