Faturat e energjisë për italianët u rritën 700 deri në 1200 euro më shumë 

Duke pasur parasysh rritjet që po bëhen në të gjithë botën dhe në mungesë të ndërhyrjeve të qeverisë do të kishim një rritje prej 61% për gazin dhe 45% për energjinë elektrike, parashikon presidenti i Nomisma Energia, Davide Tabarelli.

”Kjo do të përkthehej në faktin që shpenzimet totale në bazë vjetore për një familje gjatë vitit 2022 do të jenë 1 200 euro më shumë”, shtoi ai, transmeton Ansa përcjell Albinfo.ch.

”Me ndërhyrjet e paralajmëruara për momentin, në shumën prej 3,8 miliardë euro, plus përsëritjen e asaj që është bërë më parë (pesë miliardë), rritja do të jetë 40% për gazin dhe 28% për energjinë elektrike me një kosto shtesë prej 770 euro për familje për familje”, shtoi Tabarelli.

Të gjitha parashikimet e presidentit Tabarelli, janë bërë duke marrë parasysh një konsum mesatar vjetor prej 1 400 metra kub gaz dhe 2 700 kilovat orë energji elektrike për çdo familje italiane.