Lajme
Në Gjermani dhe Austri, dy persona humbin jetën nga fishekzjarrët
Mediat në Gjermani dhe në Austri raportojnë se kanë humbur jetën dy persona nga përdorimi jo i duhur i fishekzjarrëve. Ndërkohë edhe në Holandë jë 12-vjeçar nuk ka mundur t`u përballojë plagëve të marra nga shpërthimi i fishekzjarrëve, përcjell albinfo.ch.
Në Gjermani dhe pjesë të mëdha të Francës fishekzjarrët u ndaluan të shiteshin para fillimit të vitit, për të mos ngarkuar më shumë emergjencën dhe spitalet me njerëz të lënduar. Përkundër këtij vendimi, mund të dëgjoheshin fishekzjarre dhe mund të shiheshin raketa, besohet se ato janë blerë në mënyrë ilegale. Përplasja me fishekzjarre, me sa duket u bë në mënyrë ilegale dhe u kushtoi me jetë dy personave.
Në Hennef afër Bonit (North Rhein-Westphalia), një burrë pësoi një aksident fatal në festën e Vitit të Ri. Nga policia për “Bild” deklarojnë se një 37-vjeçar u plagos për vdekje nga përdorimi jo i duhur i fishekëzjarrëve. Për shkak të plagëve të rënda, ai nuk është identifikuar. Në të njëjtin aksident ka mbetur i plagosur rëndë edhe një person tjetër.
Një tjetër fatalitet është raportuar në Austri. Sipas “ORF”, një 23-vjeçar u plagos për vdekje nga mjete piroteknikë.
Tre persona të tjerë janë në gjendje të rëndë.
Një 12-vjeçar ka mbetur i vrarë gjatë natës së Vitit të Ri në Holandë. Një tjetër djalë pësoi lëndime të rënda në komunitetin Haaksbergen jo shumë larg Enschede, siç raportoi agjencia e lajmeve ANP. Sipas informacioneve, fëmijët i kishin përdorur vetë fishekzjarret. Policia ende nuk e ka të qartë se si ka ndodhur ngjarja.
Disa persona mbetën të plagosur, mes tyre një 11-vjeçar
Siç njoftojnë zjarrfikësit, dymbëdhjetë personat nga lëndimet e marra kanë kërkuar ndihmë nga institucionet shëndetësore.
Sipas zjarrfikësve, i plagosuri më i ri në moshë është një djalë njëmbëdhjetëvjeçar.
Në Shtutgart, rreth mesnatës në qendër të Schlossplatz, janë përleshur me policinë disa persona të cilët e festonin Vitin e ri.
Policia tha se kanë përdorur sprej për të shpërndarë turmën. Një polic ka pësuar një goditje dhe dy të tjerë janë plagosur lehtë.
Megjithatë, në Gjermani situata kryesisht ishte e qetë:
“Aty-këtu kishte disa fishekzjarre, aty-këtu kishte grindje të vogla”, tha një zëdhënës i policisë në Hamburg.
Fillimi i vitit 2022, sipas policisë, ishte “më e qetë se zakonisht” në lagjen Connewitz të Leipzig. Dy vjet më parë kishte pasur trazira të rënda atje. Edhe në këtë natë ka pasur përplasje, policia ka intervenuar me forca të shtuara. 300 deri në 500 persona kanë bllokuar rrugën duke e djegur një karrocë. Kurse, rreth orës 02:00 situata ishte marrë nën kontroll të Policisë. Nuk ka pasur të lënduar.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll