OBSH thotë se simptomat e ‘Omicron’ janë mesatare

(KEYSTONE/Ti-Press/Elia Bianchi)

Sipas një zyrtari të Organizatës Botërore të Shëndetësisë, Omicron shkakton simptoma më të lehta dhe prek rrugët e sipërme të frymëmarrjes, në krahasim me variantet e tjera që prekin mushkëritë.

Megjithatë, aftësia e lehtë e Omicron për t’u përhapur ka rritur frikën se varianti mund të bëhet dominues në shumë vende brenda disa javësh, duke përbërë një rrezik për vendet me norma të ulëta të vaksinimit, transmeton abcnews, përcjell Albinfo.ch.

I pyetur nëse do të ketë nevojë për një vaksinë të re për shkak të variantit Omicron, zyrtari i OBSH-së, Abdi Mahamoud, tha se është ende shumë herët për të kuptuar nëse nevojitet një vaksine e re, por theksoi se vendimi kërkon koordinim global dhe nuk duhet t’i lihet sektorit tregtar që të vendosë i vetëm.