Franca ‘izolon’ të pavaksinuarit

Senati francez ka miratuar kufizime të forta për personat e pavaksinuar për të frenuar valën e pestë të infeksioneve në vend.

Deputetët francezë u hapën udhë rregullave që nënkuptojnë se njerëzit e pavaksinuar së shpejti nuk do të jenë në gjendje të hyjnë në restorante, objekte kulturore dhe nuk do të jenë në gjendje të udhëtojnë me trena apo fluturime në distanca të gjata.

Deri më tani ata kanë mundur të tregojnë një test negativ për Covid-19.

Senati ka vendosur që rregullat më të rrepta do të zbatohen vetëm për sa kohë që ka më shumë se 10 000 pacientë me koronavirus në spitalet franceze, përcjell albinfo.ch.

Aktualisht janë rreth 24 000 pacientë.

Në të ardhmen ata që janë kontraktuar dhe shëruar nga Covid-19 do të kenë të drejtën e një pasaporte për koronavirusin që lejon akses të pakufizuar në objekte dhe ngjarje.

Vërtetimi i vaksinimit vlen gjithashtu vetëm nga mosha 18 vjeç.

Siç raporton Dpa, udhëtimet në distanca të gjata do të lejohen ende për arsye të jashtëzakonshme me testim dhe pa vaksinim.

Senati ka refuzuar zbatimin e sanksioneve dhe rregullave më të rrepta që kërkojnë që restorantet të kontrollojnë identifikimin e mysafirëve, duke thënë se kontrolle të tilla janë përgjegjësi vetëm e policisë.

---