Rritje qirash në disa rajone të Zvicrës

pixabay

Jo vetëm që normat e hipotekave po rriten në Zvicër këtë vit, por shifrat e fundit tregojnë trend rritës edhe në kostot e qirasë.

Qiratë u rritën me 0.3 pikë në 116.7 pikë në janar, sipas platformës së pasurive të paluajtshme Homegate.ch dhe Bankës Kantonale të Cyrihut, shkruan albinfo.ch.

Zug (+3.9 për qind) shënoi rritjen më të fortë gjatë një muaji, i ndjekur nga Nidwalden (+1.5 për qind).

Rritjet në Vaud (+0.4 për qind), Fribourg dhe Neuchâtel (+0.5 për qind) dhe Jura (+ 0.7%) ishin nën 1 për qind, ndërsa ato ranë në Graubünden (-2 për qind), Valais dhe Schaffhasusen (-0.4 për qind) dhe Gjenevë (-0,1 për qind).

Ndër qytetet, rritja më e madhe e qirasë (+1%) ishte në Bernë. /Albinfo.ch