Mesazhet MMS po hiqen gradualisht në Zvicër

Brezi i ri i sotëm mund të mos e dijë as se çfarë është MMS (Shërbimi i Mesazheve Multimediale), por ata prej nesh që kujtojmë fillimin e shekullit të 21-të, e njohim këtë shërbim, i cili është përdorur për të dërguar foto, video, mesazhe zanore dhe dokumente për 20 vjet, përcjell albinfo.ch.

Megjithatë, ky shërbim i vjetëruar, sipas standardeve të sotme, po hiqet gradualisht në Zvicër dhe do të pushojë së ekzistuari deri në fund të këtij viti, njoftoi Swisscom.

“MMS ishte një risi e madhe në atë kohë”, tha Swisscom për fillimet e shërbimit më 2002.

Por, gradualisht është uzurpuar nga opsionet më moderne dhe aplikacionet e mesazheve të çastit, si WhatsApp dhe Threema.