Lajme
Zvicër: Në cilat vende do të hiqen maskat së pari dhe në cilat, së fundi
Të mërkurën, Këshilli Federal vendos për detyrimin e maskës. Vendimi do të merret midis dy opsioneve: heqje e shpejtë, e plotë ose heqje graduale e masave
Këshilli Federal do të vendosë të mërkurën nëse do të hiqet ose jo detyrimi për maskë. Konsultimet me kantonet në lidhje me lehtësimin e pritshëm tregojnë se praktikisht të gjithë duan të braktisin masat e koronës, transmeton albinfo.ch. Por vendimi do të merret midis dy opsioneve: heqje e shpejtë, e plotë ose heqje graduale e masave.
I pyetur nga srf.ch, infektiologu Jan Fehr mbron lehtësimin gradual të masave. Sipas tij, detyrimi për maskë duhet të hiqet më së fundi. Ai flet konkretisht për katër lokacione, ku mbajtja e maskave duhet të mbetet më së gjati:
Transporti publik: Ne sillemi në dy fusha: në ato ku njerëzit janë afër njëri-tjetrit brenda dhe në të tjerat, ku ata nuk janë afër. Transporti publik, sidomos në orët e pikut hyn sigurisht në “fushën” e parë, sepse njerëzit shpesh ulen afër njëri-tjetrit atje për periudha të gjata kohore: Prandaj, aty, maskat duhet të jenë ende të detyrueshme, transmeton albinfo.ch.
“Mbështetja në përgjegjësinë personale kur bëhet fjalë për detyrimin për të mbajtur maska në transportin publik nuk ka shumë kuptim për mua: Këshilli Federal duhet të vendosë udhëzime të qarta, sepse vetëm kështu njerëzit do të dinë se çfarë të bëjnë”, sqaron Fehr.
Ambientet e shitjes me pakicë: Ky vend mund të llogaritet si një ndër zonat ku njerëzit kanë kontakt me njëri-tjetrin vetëm për një kohë të shkurtër, kështu që në vendet etilla heqja e detyrimit për të mbajtur maska është më e imagjinueshme, përcjell albinfo.ch. Por skenarët në një supermarket shpesh nuk janë aq të qartë: në një pasdite pune, shpesh ka fare pak njerëz në një lokal. Por, në të njëjtin supermarket, në një të shtune në mëngjes, gjithçka duket shumë ndryshe gjegjësisht ngjan me situatën në transportin publik në kohë piku.
Të ngjashme
Të tjera nga Lajme
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?