Zvicra mbështet të mbijetuarit e dhunës seksuale në Kosovë

Në vazhdën e aktiviteteve të saj për t’ju dalë në mbështetje të mbijetuarve të dhunës seksuale gjatë luftës në Kosovë, QKRMT mbajti takimin e dytë me fokus grupin e të mbijetuarve. Në këtë takim u adresuan vështirësitë dhe nevojat konkrete të të mbijetuarve dhe familjarëve të tyre.

Përmes adresimit të nevojave në këtë forum synohet që të avokohet për përmirësimin e mëtejmë të aspektit psikosocial të të mbijetuarve dhe familjarët e tyre.

Për t’i dëgjuar nga afër shqetësimet dhe nevojat e tyre, në pjesën e dytë të takimit, pjesëmarrës ishin edhe përfaqësues të Ambasadës Zvicerane në Kosovë.

Aktiviteti mbështetet nga Ambasada Zvicerane në Kosovë në kuadër të projektit “Rritja e angazhimit për drejtësinë tranzicionale në Kosovë përmes dokumentimit të dhunës seksuale gjatë luftës”, thuhet në njoftim.