Lajme
“Womalba” prezantoi bizneset e grave shqiptare në një mbrëmje gala në Zvicër
Motrat Ferizi, që ishin organizatore të kësaj gala mbrëmje u ndanë të kënaqura nga rezultati i këtij organizimi dhe premtuan vazhdimësinë e edicioneve të tjera të “Womalba”
Më 12 mars, në Montricher (Vaud) u mbajt mbrëmja e edicionit të parë “WOMALBA”, i organizuar nga motrat Ferizi për nder të Ditës Ndërkombetare të Gruas, 8 Marsit.
Në këtë mbrëmje ishin të ftuara mysafire speciale, të cilat kanë pasur sukses në karrierën e tyre, si: Amnihena Latifaj dhe Saranda Shala nga fusha e mjekësisë estetike dhe Diellza Sejdijaj, kampione në sportin e karatesë.
Po ashtu pjesëmarrëse ishin edhe shumë gra, të cilat zotërojnë biznese të ndryshme, si në; gastronomi, klinika, butiqe për veshje, punime për enterier shtëpie, dhurata të personalizuara, sallone bukurie, studio fotografie, e shumë biznese të vogla të tjera, nga të cilat fitojnë dhe kanë arritur të zënë vend këtu në Zvicër.
Rëndësia e këtij organizimi vihej re qysh në hyrje, nga ku të gjithë u pritën në një tepih të kuq, si vlerësim për të gjitha ato gra, të cilat punojnë dhe vazhdojnë të jenë shtyllë kryesore në formimin e shoqërisë.
Organizimi ishte bërë në detaje që nga ëmbëlsirat e punuara me mbishkrimin “Womalba” e deri te muzika popullore, me të cilën nënat, vajzat vallëzuan dhe u argëtuan gjatë mbrëmjes.
Vlen të theksohet që për të gjitha bizneset ishte përgatitur një tavolinë, në të cilën mund të vendoseshin produktet, dhuratat, kartëvizitat, si ekspozim i secilës ndërmarrje.
Gjatë fjalimeve doli në pah edhe nevoja për mbështetjen që u duhet grave për të pasur mundësinë e përhapjes së bizneseve dhe rritjen e tyre.
Estetistja Saranda Shala tha me këtë rast se femrat asnjëherë nuk duhet të heqin dorë nga ëndrrat dhe pasionet e tyre për punën, pavarësisht ku jetojnë dhe nëpër çfarë sfidash kalojnë.
Njëra ndër pjesëmarrëset ishte edhe një grua, e cila merrej me veshje të personalizuara për fëmijë të sapolindur dhe për atë ishte një ide shumë e mirë për të promovuar biznesin e saj, por edhe për t’u njoftuar me gratë e tjera shqiptare, me të cilat jetojnë në një rajon.
Për të motivuar të gjitha gratë e pranishme në sallë u zhvillua një lojë shpërblyese me short, nga e cila u ndanë rreth 50 dhurata, shpërblime këto të dhëna nga vetë gratë, prej bizneseve të tyre.
Motrat Ferizi, që ishin organizatore të kësaj gala mbrëmje, u ndanë të kënaqura nga rezultati i këtij organizimi dhe premtuan vazhdimësinë e edicioneve të tjera të “Womalba”. Ato po ashtu falënderuan të gjitha gratë që besuan në idenë e tyre në të mirën e përbashkët për integrimin dhe përhapjen e punës së grave shqiptare.
Ky organizim është bërë me mbështetjen e albinfo.ch (online&print) si partner medial.
(Alisa Buzhala, Fotot: Afphotographn)
Të ngjashme
Të tjera nga Lajme
E-Diaspora
-
Kanada: Tenori me famë botërore, Ramë Lahaj, sjell “Traviata” e Xhuzepe Verdit Artdashësit shqiptarë do të kenë rastin të shohin nga afër interpretimin e tenorit shqiptar me famë...
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore