Kosova
Lehtësimet doganore nxisin tregtinë mes Kosovës e Shqipërisë
Ministrja e Financave dhe Ekonomisë, Delina Ibrahimaj, deklaroi sot në Kuvend se Kosova zë 50 % të eksporteve të vendit tonë, ndaj është me shumë rëndësi lehtësimi i procedurave doganore.
Ibrahimaj theksoi rëndësinë e miratimit nga Kuvendi të projektligjit “Për ratifikimin e marrëveshjes ndërmjet Shqipërisë dhe Kosovës, për zbatimin e lehtësirave të ndërsjella në procedurat doganore dhe të kontrollit të hyrje-daljeve së mallrave”, transmeton atsh, përcjell Albinfo.ch.
Ajo theksoi se “marrëveshjet e përbashkëta me Kosovën kanë për qëllim lehtësimin e qarkullimit të mallrave, tregtisë, kapitalit dhe njerëzve”.
“Për sa i përket tregtisë, kemi 15.5 miliardë lekë mallra të importuar nga Kosova më 2021, ndërkohë që Shqipëria eksporton në Kosovë rreth 38 miliardë lekë mallra”, tha ajo.
Si përqindje krahasuar me vendet e CEFTA-s, Ibrahimaj theksoi se Kosova zë 50 % të eksporteve të vendit tonë, pra është një partner shumë i rëndësishëm tregtar.
“Marrëveshja synon harmonizimin gradual të legjislacionit të fushën e sigurisë ushqimore.
Ajo u nënshkrua në mbledhjen e përbashkët të dy qeverive më 26 nëntor 2021, në Elbasan, dhe përveçse lehtëson procedurat e tregtisë mes dy vendeve, i jep gjithashtu Kosovës një dalje në det për arsye tregtare, duke i dhënë hapësirë për tregti në zonën doganore Durrës dhe Porto Romano. Me anë të kësaj marrëveshjeje ne presim të shtohet tregtia mes dy shteteve”, tha Ibrahimaj.
Të tjera nga Kosova
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
300 zviceranë të bllokuar në Kaledoninë e Re pas shpërthimit të trazirave Pavarësisht shpalljes së gjendjes së jashtëzakonshme dhe shtetrrethimit gjatë natës, situata nuk është qetësuar dhe mijëra...
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit