Kompanitë nga Kosova do të marrin pjesë në Panairin “Fruit Logistica 2022” në Gjermani

Nga data 05 deri 07 prill 2022, shtatë kompani nga Kosova do të marrin pjesë në Panairin që do të mbahet në Berlin të Gjermanisë,

Bëhet e ditur se nga data 05 deri 07 prill 2022, shtatë kompani nga Kosova do të marrin pjesë në Panairin ndërkombëtar të produkteve bujqësore, industrisë së pemëve dhe perimeve të freskëta, frutave të imta etj. “Fruit Logistica 2022” që do të mbahet në Berlin të Gjermanisë, njofton albinfo.ch.

Kompanitë kosovare: EURO FRUTI, FUNGO, BOOST BERRIES, HIT FLORES, SANTE FRUIT, BERRY KODE DHE JONI-SH, do të prezantojnë produktet e tyre në një hapësirë ekspozuese prej 119 m2 në Hall 1.1/D-08. Njëherësh kompanitë tona në këtë panair do të kenë mundësi që të krijojnë bashkëpunime me kompanitë pjesëmarrëse dhe blerës potencial me qëllim të rritjes së prodhimit dhe eksportit.

Pjesëmarrja në këtë panair është organizuar nga  Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e Ndërmarrjeve në Kosovë (KIESA).

Gjatë vitit 2020, në Panairin ndërkombëtar “Fruit Logistica”, prezantuan më shumë se 3,300 ekspozues nga 91 vende dhe morën pjesë rreth 73,000 shitës dhe vizitorë tregtarë nga 135 vende nga mbarë bota.

 

---