Një i vdekur dhe 36 raste të reja me COVID-19 në Kosovë

Keystone EPA/VALDRIN XHEMAJ

Në bazë të të dhënave nga Instituti Kombëtar i Shëndetësisë Publike të Kosovës, Ministria e Shëndetësisë ka konfirmuar se në 24 orët e fundit në Kosovë një qytetar e ka humbur jetën nga coronavirusi, kurse 36 qytetarë kanë rezultuar pozitivë me këtë virus, nga 1, 252 teste të kryera.

Gjatë 24 orëve të fundit janë shëruar 41 qytetarë, derisa numri i përgjithshëm i të shëruarve është 223,827.

Në total numri i rasteve aktive është 570. Në 24 orët e fundit janë dhënë 297 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1,822.649 doza të vaksinës. Ndërsa me dozën e dytë janë vaksinuar gjithsej 820.655 qytetarë.

Deri më sot janë dhënë 100, 210 doza përforcuese dhe doza të treta të vaksinës kundër COVID-19.