Argjenda Aliu, në gjysmëfinale të ”The Voice of Finland”

Edhe një tjetër shqiptare nga mërgimi që ka shkëlqyer me zërin e saj në “The Voice of Finland”.

Se kosovarët janë të talentuar në muzikë, tashmë kjo është dëshmuar. Së fundmi, Argjenda Aliu është kualifikuar në gjysmëfinale të “The Voice of Finland”, shkruan albinfo.ch.

Juria mbeti e mahnitur nga zëri brilant i adoleshentes nga Kosova që pushtoi skenën. Ata në fund edhe u ngritën në këmbë, duke duartrokitur këngëtaren e re. Ajo arriti të kaplonte dhe zemrat e publikut, duartrokitjet e së cilëve dëgjoheshin gjatë transmetimit të “The Voice of Finland”.

Gjysmëfinalja për të është e merituar dhe shpreson që do të jetë edhe në finalen e madhe të mbrëmjes gala të “The Voice Finland”. /Albinfo.ch

---