Sholz: Këtë vit do të mund të ndalojmë importin e naftës ruse

Kancelari gjerman, Olaf Scholz, tha sot se mendon se Gjermania do të jetë në gjendje të ndalojë këtë vit importin e naftës ruse.

Duke folur në një konferencë të përbashkët shtypi me kryeministrin britanik, Boris Johnson, Scholz tha se Gjermania “po punonte në mënyrë aktive” për të arritur pavarësinë nga importet ruse të naftës.

Ai tha se besonte se Gjermania do të ishte në gjendje të ndalonte importin e naftës ruse këtë vit, por menjëherë shtoi se do t’i duhej më shumë kohë sesa të ndalonin importin e gazit rus.

“Përfundimi i importeve të energjisë ruse kërkon investime dhe infrastrukturë”, tha Scholz.