Lajme
I vazhdohet paraburgimi shqiptarit nga Maqedonia, të dyshuar për vrasje në vitin 1999
Edhe nëse teza fillestare për ekzekutim është tashmë në plan të dytë, përsëri bëhet fjalë për grabitje dhe vrasje
Gjykata e Lartë Federale, në Lozanë, ka hedhur poshtë ankesën e një personi që ndodhet në paraburgim që nga janari 2021.
Prokuroria e Bernës e kishte akuzuar personin nga Maqedonia e Veriut për vrasje me grabitje. Sipas akuzës, ai kishte qenë i përfshirë në grabitjen në një shtëpi në shtëpi në Biel në qershor 1999, kur ishte qëlluar për vdekje, me armë zjarri, një nga djemtë e asaj shtëpie, transmeton albinfo.ch.
Gjykata Supreme Federale në aktgjykimin e saj thekson se ekzistojnë ende dyshime të forta se personi i dyshuar nga Maqedonia e Veriut ishte i përfshirë në krimin e vitit 1999, shkruan Agejncia Zvicerane e Lajmeve, SDA.
Duke qenë se përfundimi i hetimit penal është i parashikueshëm dhe seanca kryesore duhet të mbahet së shpejti, mbajtja e tij e mëtejshme në paraburgim, është ende e lejueshme.
Afati i parashkrimit (vjetërimit) të vrasjes është 30 vjet. Dhe, edhe nëse teza fillestare për ekzekutim është tashmë në plan të dytë, përsëri bëhet fjalë për grabitje dhe vrasje, përcjell albinfo.ch. Në përgjithësi, ka mjaft indikacione për vrasje me dashje të rastësishme dhe për veprime të paskrupullta – parakushte këto për supozimin e ekzistimit të vrasjes.
Siç mund të shihet nga vendimi i Gjykatës së Lartë Federale, në qershor të vitit 1999, i akuzuari dhe bashkëpunëtorët e tjerë dyshohet se kishin u kishin lidhur dhe mbyllur gojë një çifti dhe djalit të tyre më të vogël në shtëpinë e tyre në Biel, duke përdorur forcën e armëve.
Kur dy djemtë më të mëdhenj kishin arritur në shtëpi rreth mesnatës, njëri prej autorëve kishte qëlluar disa herë nga dritarja, përcjell albinfo.ch. Djali 22-vjeçar me atë rast ka pësuar lëndime vdekjeprurëse.
Autorët janë larguar duke marrë me vete një automatik UZI dhe bizhuteri. Çështja ka mbetur e pazgjidhur për një kohë të gjatë.
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Këshilli Federal dëshiron të lehtësojë barrën mbi personelin infermieror, më pak orë pune Ministrja e Brendshme, Elisabeth Baume-Schneider, prezantoi të mërkurën ligjin e ri federal për kushtet e punës...
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën
-
Gaza: Zviceranët caktojnë afro 11 milionë franga për UNRWA