Këshilli i Sigurimit diskutoi për Kosovën, Gërvalla tha se Serbia po destablilizon Ballkanin

Kryediplomatja e Kosovës, Donika Gërvalla, në mbledhjen e Këshillit të Sigurimit ka thënë se Serbia është destabiluzues në Ballkanin Perëndimor.

Ajo u shpreh se Serbia është kërcënimi më i madh i paqes në rajon, derisa për këtë e kanë mbështetjen e Moskës.

“Serbia vazhdon të mbetet satelit i Rusisë. Rajoni ynë për këtë vazhdon të mbetet jostabil”, është shprehur ajo.“Pavarësia e Kosovës ka lindur nga gjenocidi i kryer nga Serbia. Kosova ke rezistuar një kohë të gjatë derisa jemi detyruar që t’i mbrojmë familjet tona dhe në fund erdhi NATO na shpëtoi. Ky gjenocid ka treguar se drejtësia gjithmonë triumfon”. tha Gërvalla

Ndërsa Përfaqësuesja Speciale e Sekretarit të Përgjithshëm dhe administratës së UNMIK-ut në Kosovë, Caroline Ziadeh ka folur për sulmet e fundit ndaj Policisë së Kosovës në veri të vendit. Ajo i bëri thirrje Kosovës e Serbisë në identifikimin e shpejtë të dyshuarve për sulmin ndaj automjeteve të policisë dhe të përmbahen nga ngritja e tensioneve.

“Beogradi dhe Prishtina e dinë mirë përgjegjësinë time për të ofruar informata për Sekretarin e Përgjithshëm, por UNMIK-u nuk është faktor vendimtar dhe as zëdhënës i asnjërës palë. Shumë shpesh kam dëgjuar situata kur është thënë se UNMIK-u po reprezenton njërën palë ose po bëhet pengesë, apo që po e favorizon njërën palë. Asnjë prej këtyre interpretimeve të pasakta nuk përmban në vete ndonjë të vërtetë, ky nuk është misioni ynë”, ka thënë Ziadeh.

Në fund, ajo ka theksuar se mbështetja e UNMIK-ut ndaj institucioneve të Kosovës do të jetë pjesë e punës së saj, ndërsa ka thënë se fokusi i tyre do të jetë në raport të sigurimit të stabilitetit dhe një paqeje të qëndrueshme.

---