Britaniku, 505 ditë pozitiv me korona

Pacienti, i testuar së pari nga mesi i vitit 2020, kishte mbetur pozitiv në rreth 45 teste derisa ka vdekur, 505 ditë më vonë

Një pacient që kishte rezultuar pozitiv me Covid-19 ka mbetur pozitiv për 16 muaj, deri në vdekjen e tij. Ky rast del nga një studim që merret me zhvillimin e virusit te pacientët me imunitet të dobësuar, transmeton albinfo.ch. Ky është rasti më i gjatë i njohur deri më tani, i infeksionit me Covid -19.

Pacienti, identiteti i të cilit nuk është bërë i ditur, fillimisht kishte rezultuar pozitiv në mesin e vitit 2020 dhe kishte probleme me frymëmarrjen, shkruan srf.ch. Ai kishte mbetur pozitiv në rreth 45 teste derisa ka vdekur, 505 ditë më vonë, siç deklaron për AFP Dr. Gaia Nebbia, bashkëautore e studimit.

Ky është rasti më i gjatë i njohur i infeksionit me Covid, sipas një deklarate nga Kongresi Evropian i Mikrobiologjisë dhe Sëmundjeve Infektive, i cili do të zhvillohet në Lisbonë nga 23 deri më 26 Prill dhe në të cilin do të prezantohet studimi.

---