Lajme

Mbretëria e Bashkuar i ndan 45 milionë funte për ukrainasit

E enjte, 5 Maj 2022 - 10:30 albinfo.ch

KEYSTONE

Bëhet e ditur se Mbretëria e Bashkuar ka njoftuar se ka ndarë fonde shtesë për t’i ndihmuar njerëzit e pambrojtur brenda Ukrainës dhe ata që tashmë kanë ikur nga lufta, përcjell albinfo.ch.

Shuma që Mbretëria e Bashkuar ka ndarë për ukrainasit është 45 milionë funte, e që do t’u jepen edhe agjencive të Kombeve të Bashkuara që punojnë për t’i mbështetur ata që janë prekur nga lufta, shkruan “Sky News”.

Sekretarja e Jashtme britanike, Liz Truss, tha se ndihma e tyre po i mbështet ata që janë më të prekur në Ukrainë, veçanërisht gratë dhe fëmijët që, sipas saj, po përballen me rrezik të shtuar të dhunës seksuale.