Brukseli planifikon ndryshimin e emërtimeve ruse të rrugëve

Për shkak të sulmit të Rusisë ndaj Ukrainës, Brukseli ka planifikuar ndryshimin e emrave të rrugëve dhe bulevardeve që lidhen me Rusinë në qytet.

Këshilltarët e Komunës qendrore dhe Saint Gilles në kryeqendrën evropiane propozuan ndryshimin e emrave të “Rrugës Rusia” dhe “Rrugës Stalingrad” në qytet.

Rruga Rusia është propozuar të riemërohet si “Rruga Ukraina”.

Anëtarët e Këshillit bashkiak, të cilët bënë propozimin, deklaruan se Brukseli, i njohur si kryeqyteti i BE-së, duhet të ngrejë më shumë zërin kundër Rusisë dhe se duan që ai të mbështesë Ukrainën me veprime të tilla simbolike.

“Si evropianë, ne nuk mund të qëndrojmë të heshtur ndaj dramës humanitare në pragun tonë. Ne duam t’u japim ukrainasve një mesazh shprese dhe t’u kujtojmë atyre se i mbështesim”, tha këshilltari i Komunës Saint Gilles, Marc Naether.

“Rruga Rusia” dhe “Rruga Stalingrad” gjenden në një zonë të ngarkuar në qendër të Brukselit./AA

---