Lajme
Verona Gjinaj, mbron titullin kampion të Zvicrës në tajboks
Verona Gjinaj ka mbrojtur titullin kampion të Zvicrës në tajboks. Tashmë qëllimi i saj është titulli i botës.
E shtuna ka qenë një mbrëmje e magjishme për boksieren shqiptare, Verona Gjinaj. Ajo arriti më sukses të mbrojë titullin kampion të Zvicrës në tajboks për peshat 60 kg.
Në një duel prej 5 rundeve, në “Zentrum St.Michael” në Littau, Luzern, Verona mposhti zviceranen Julia Braun.
Pas fitores, Verona për albinfo.ch shprehet: “Faleminderit të gjithëve që ishin në sallë, trajnerit Tefik Bajramit dhe klubit të sporteve luftarake “Bajrami Luzern”. Po ashtu falënderoj familjen time, të cilët janë forca ime në gjithë këtë rrugëtim timin. Do të mundohem gjithmonë të jap maksimumin nga vetja ime që prindërit dhe gjithë ata që më përkrahin t’i bëj krenarë”, ka thënë Verona, e cila jeton në Kriens, kantoni Luzern.
Ndërkohë, trajneri Tefik Bajrami, përmes një postimi në faqen e tij në Facebook, pas fitores, Veronen e ka quajtur ‘vajzë të hekurt’.
“Kjo vajza e hekurt shpallet prapë kampione e Zvicrës”, shkruan ai.
Verona është 18 vjeçe, ndërkohë tri vite më parë ajo kishe fituar titullin kampion të Zvicrës, duke u bërë kampionia femër më re në Zvicër. Në vitin 2020 ishte planifikuar të luftojë për titullin e botës në Kanada, por për shkak të pandemisë, ndeshja u pezullua.
Verona tashmë i ka synimet e qarta: Ajo do të vazhdojë të boksojë derisa të arrijë qëllimin e saj, e që është, kampione e botës.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse