Lajme
Ekskursioni i nxënësve të Shkollës Shqipe në Bavari
Në ekskursion morën pjesë shumë nxënës nga shkollat e Mynih-ut, Holzkirchen, Starnberg-ut, Freising-ut, Garching-ut, Fürstenfeldbruckut-ut, Mainburg-ut, Rosenheim-it, Deggendorf-it, Nürnberg-ut, Abensberg-ut, Landau-t dhe Dingolfing-ut
Në kuadër të aktiviteteve për vitin shkollor 2021-2022, Shkolla Shqipe në Bavari zhvilloi dje, një eskursion në parkun e lojërave “Voglsam” në Schönau.
Në ekskursion morën pjesë shumë nxënës nga shkollat e Mynih-ut, Holzkirchen, Starnberg-ut, Freising-ut, Garching-ut, Fürstenfeldbruckut-ut, Mainburg-ut, Rosenheim-it, Deggendorf-it, Nürnberg-ut, Abensberg-ut, Landau-t dhe Dingolfing-ut.
Mbi 135 nxënës të shoqëruar me autobusë, nën mbikëqyrjen e mësimdhënësve dhe kryesisë së LAPSH-it u bashkuan dje, në orën 11:00 në Schönau.
Festa filloi sapo nxënësit hipën në autobus, të cilët u njohën me njëri tjetrin, flisnin, këndonin në shqip mes haresë dhe gëzimit, që dukshëm pasqyrohej në fytyrat e tyre që shndrisnin.
Ekskursioni vazhdoi sipas agjendës së vet, përmes lojërave tërheqëse, surprizave të shumta, bisedave të ndryshme mes nxënësve dhe mësuesve. Në këtë eveniment nuk mungoi as muzika shqiptar dhe as vallet folklorike.
Por, ashtu siç e kërkon tradita jonë shqiptare, festën e pasuruan ushqimet e shumta e të shijshme shqiptare, të cilat ishin përgatitur me shumë kujdes nga nënat dhe mësueset.
Për të gjithë nxënësit pjesëmarrës ishte një eksperiencë e veçantë, një ngjarje mbresëlënëse, shumë çaste të bukura, që krijojnë një urë lidhëse dhe bashkëpunuese të brezit të lindur në Diasporë.
Urojmë të kemi aktivitete të tjera në vazhdim, me një pjesëmarrje edhe më të gjerë të nxënësve tanë si dhe atyre të rinj, që dëshirojnë t’i bashkohen së shpejti Shkollës Shqipe.
Falënderojmë nga zemra të gjithë ata, të cilët mundësuan këtë aktivitet të bukur dhe frytdhënës.
Të dashur fëmijë dhe prindër shqiptar, bëhuni edhe ju pjesë e Shkollës Shqipe!
Ju mirëpresim!
Le të flasim, të festojmë, të bisedojmë, të gëzojmë së bashku në shqip, duke i transmetuar brezit të ri gjuhën, kulturën dhe traditën tonë të bukur.
Shkolla Shqipe në Bavari
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)