Kosova

Scholz takon 65 ushtarë gjermanë me detyrë në Kosovë

Scholz shkon në KFOR

E premte, 10 Qershor 2022 - 17:00 albinfo.ch

Kancelari gjerman, Olaf Scholz, pas takimit dhe konferencës që pati me kryeministrin Albin Kurti, vizitën e tij e vazhdoi në misionin e KFOR-it për t’i vizituar ushtarët gjermanë që shërbejnë në Kosovë, përcjell albinfo.ch.

Pamje nga kjo vizitë ka publikuar gazetari gjerman, Kai Kuestner, i cili tha në Twitter se kancelari ishte në mesin e 65 ushtarëve të Bundeswehrit.

Scholz është kancelari i parë gjerman që viziton Kosovën. Këtë e pa si historike kryeministri i vendit.

Ai solli me vete edhe disa mesazhe kryesore. Njohja e Kosovës nga Serbia në fund të një marrëveshjeje mes dy shteteve, Procesi i Berlinit si prioritet dhe mbështetja për liberalizimin e vizave për Kosovën ishin disa prej tyre.