Ukraina
Goditet Kievi, 4 shpërthime të fuqishme zgjojnë kryeqytetin
4 raketa ruse goditën Kievin mëngjesin e së dielës, pas ditësh të tëra qetësie teksa pushtuesit kanë fokusuar sulmin e tyre në lidnje. Vetëm 30 minuta pasi sirena e alarmit u dëgjua në kryeqytet, sulmet tronditën kryeqytetin.
Të paktën dy ndërtesa banimi, tha kryetari i bashkisë së Kievit, Vitali Klitschko u prekën nga sulmet, ndërsa nën rrënoja ka shumë banorë të bllokuar.
Që me nisjen e luftës sirenat bien vazhdimisht në Kiev, por nuk ka pasur sulme të mëdha në qytet që nga 5 qershori, kur një stacion hekurudhor u godit në periferi dhe një bombardim në fund të prillit kur një gazetare e Radio Evropa e Lirë u vra në një sulm që goditi ndërtesën ku ajo banonte.
Sulmi vjen në një kohë kur Rusia ka thënë se do të transferojë sisteme raketore me aftësi bërthamore Iskander-M tek aleati i saj Bjellorusia gjatë muajve të ardhshëm.Sistemet kanë një rreze në deri 500 kilometra.
Putin i tha Presidentit Bjellorusi Aleksandër Lukashenko në një takim në Shën Petersburg se sistemet e raketave “mund të përdorin si raketa balistike, si në versionet konvencionale ashtu edhe ato bërthamore”.
Rusia nisi pushtimin e saj më 24 shkurt pjesërisht nga territori bjellorus , i cili kufizohet me Ukrainën në veri. Gjatë gjithë luftës, Moska e ka përdorur Minskun si një bazë satelitore, për disa nga sulmet e saj ajrore sipas NATO.
Të shtunën, Ukraina pretendoi se forcat ruse kishin gjuajtur raketa të shumta në rajonet e Kievit, Chernihiv dhe Sumy nga Bjellorusia.
Të tjera nga Ukraina
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale