50 mijë dronë sulmues për Ukrainën po financohen nga Gjermania

Foto nga arkiva Keystone EPA/JIM HOLLANDER

Një porosi që shënon një nga blerjet më të mëdha të njohura të dronëve për Kievin nga një qeveri perëndimore, janë 50 mijë dronë sulmues për Ukrainën, të cilët po financohen nga Gjermania.

Porosia e dronëve sulmues përfshin dronët “Shrike” të prodhuar nga prodhuesi i madh ukrainas SkyFall dhe të pajisur me softuer nga firma amerikane e teknologjisë së mbrojtjes Auteron, të projektuar për të ndjekur dhe goditur në mënyrë autonome objektiva lëvizëse në fazën e fundit të fluturimit, transmeton albinfo.ch.

Shefi ekzekutiv i Auteron, Lorenz Meier, ka konfirmuar për Reuters madhësinë e kontratës, duke shtuar se ajo vlente rreth 90 milionë euro dhe ishte financuar nga një vend evropian.

Meier ka deklaruar se disa nga dronët tashmë i ishin dorëzuar qeverisë së Ukrainës, ndërsa pjesa tjetër duhet të dërgohej këtë vit. SkyFall ka konfirmuar përfshirjen e Gjermanisë, por ka shtuar se kompania nuk mund të komentonte mbi detajet e blerjes.