Kinema
“Zgjoi” dhe Elina Duni në “Netët e filmit” nën qiell të hapur, në Münsingen
Në mbrëmjen e të enjtes, më 14 korrik do të shfaqet filmi i suksesshëm nga Kosova "Zgjoi" (Hive) dhe do të këndojë artistja e njohur e xhazit, Elina Duni

Për më shumë se 20 vjet, shoqata Film Nights Münsingen prezanton “delikatesa” filmike bazuar në moton e “Netëve të Filmit”: mbrëmje të paharrueshme me filma të paharrueshëm në një ambient të paharrueshëm”. Tradita e bukur vazhdon edhe këtë vit.
Me temën e “ndryshimit të korsive” në Netët e Filmit në Münsingen, po eksplorohen shtigje të reja, po ndërmerren rrugë alternative, qoftë përmes një fillimi të ri apo një koncepti disi të ndryshëm të jetës, transmeton albinfo.ch. Filmat e përzgjedhur janë befasues, inkurajues, ndonjëherë të zymtë e herën tjetër plot gjallëri.
Përveç filmave do të ketë edhe program muzikor. Kështu, në mbrëmjen e të enjtes, më 14 korrik do të shfaqet filmi i suksesshëm nga Kosova “Zgjoi” (Hive) dhe do të këndojë artistja e njohur e xhazit, Elina Duni, e cila jeton në Zvicër.
Këngëtarja Elina Duni me rrënjë shqiptare me tekstet e këngëve të saj me shije të ëmbël e të hidhur në të njëjtën kohë e çon publikun në një botë tjetër – optimiste dhe nostalgjike, shkruan më tutje gazeta Jungfrauzeitung.
Ndërsa filmi “Zgjoi” përshkruhet si një dramë që tregon historinë e Fahrijes, bashkëshorti i së cilës është zhdukur gjatë luftës, në një fshat në Kosovë. Për të siguruar jetesën e familjes së saj, Fahrija themelon një kompani. Filmi tregon fuqinë e madhe të solidaritetit, shkruan gazeta.
“Hive” është fitues i Çmimit të Madh të Jurisë dhe Çmimit të Regjisë në Sundance 2021.
Mbrëmja filmike dhe muzikore fillon në orën 20.00, në Schlossgut, Münsingen, Kanton i Bernës.
Të ngjashme
Të tjera nga Kinema
E-Diaspora
-
“20 Minuten” i kushton një artikull TikToker-it shqiptar për suksesin e tij në Zvicër “Thjesht flas në kamera” – Artani, ylli shqiptar i TikTok-ut që po bën bujë në Zvicër ...
-
Presidentja Vjosa Osmani fton mërgatën në pritjen tradicionale në Presidencë
-
Tri komuna arbëreshe në Itali shpallen zona të mbrojtura kulturore
-
Gazeta zvicerane shkruan për mërgimtarët: Parada luksoze e makinave në një dasmë në Kosovë
-
Sulm me armë në Nju-Jork: Pesë të vdekur, mes tyre edhe sulmuesi
Jeta në Zvicër
-
“20 Minuten” i kushton një artikull TikToker-it shqiptar për suksesin e tij në Zvicër “Thjesht flas në kamera” – Artani, ylli shqiptar i TikTok-ut që po bën bujë në Zvicër ...
-
Kujdestaria e përbashkët, së shpejti normë pas divorcit në Zvicër?
-
Keller-Sutter: Fati i tarifave doganore zvicerane në duart e Donald Trump
-
Rrezik i konsiderueshëm për përmbytje në Liqenin e Lucernës
-
Mashtrim milionësh, studenti anglez dënohet me 7 vjet burg, viktima edhe në Zvicër