Të huajve u pëlqen jeta zvicerane, por jo edhe “ftohtësia” zvicerane

(KEYSTONE/Ennio Leanza)

Shumica e punëtorëve ndërkombëtarë vlerësojnë cilësinë e lartë të jetës që ofron Zvicra, por shpesh ndihen të vetmuar, sipas një studimi të ri nga InterNations.

Zvicra renditet e gjashta nga 52 vende për cilësinë e jetës, dhe është në vendin e dytë për mjedisin dhe klimën, si dhe për sigurinë.

Pjesëmarrësit e anketës dhanë gjithashtu rezultate të larta për sistemin dhe infrastrukturën e kujdesit shëndetësor të vendit, shkruajnë mediat zvicerane, përcjell albinfo.ch.

Megjithatë, shumë të anketuar e kanë të vështirë të miqësohen me zviceranët dhe një e treta janë të pakënaqur me jetën e tyre sociale.