Kompania Meta pëson rënie të të ardhurave për herë të parë

(AP Photo/Eric Risberg)

Meta, kompania amë e rrjetit social, Facebook ka pësuar rënie të të ardhurave për herë të parë.

Kjo kompani thotë se presionet makroekonomike ulën të ardhurat dhe u ofroi investitorëve një perspektivë të zymtë për muajt e ardhshëm pasi reklamuesit janë tërhequr nga shpenzimet.

Të ardhurat për periudhën prill-qershor ishin 28.82 miliardë dollarë, 1 për qind më pak se e njëjta periudhë e vitit 2021.

Duke folur me investitorët, shefi ekzekutiv Mark Zuckerberg paraqiti një pamje të zymtë për pjesën e mbetur të vitit 2022.

“Duket se kemi hyrë në një rënie ekonomike që do të ketë një ndikim të gjerë në biznesin e reklamave dixhitale,” tha ai./Financial Times