Scholz inkurajon Schroderin të bëhet ndërmjetësues me Rusinë

Ish-kancelari Schroder njihet për lidhjet e tij tradicionale dhe shumë të afërta me Rusinë dhe Putinin

Kancelari gjerman, Olaf Scholz, ka deklaruar se do ta mirëpriste idenë nëse ish-kancelari Gerhard Schroder do të vepronte si ndërmjetës me Rusinë në lidhje me një mosmarrëveshje mbi furnizimet e reduktuara të gazit.

”Do të ishte e lavdërueshme nëse Schroder do të fliste me Moskën për një turbinë të riparuar që ndodhet aktualisht në Gjermaninë Perëndimore, që është cituar nga autoritetet ruse si arsyeja e vendimit të saj për të penguar rrjedhat e gazit përmes tubacionit ‘Nord Stream 1”, deklaroi Scholz, transmeton dpa, përcjell Albinfo.ch.

Schroder, i cili ishte kancelar i Gjermanisë në vitet 1998 dhe 2005, është kritikuar prej vitesh për përfshirjen e tij me kompanitë shtetërore ruse dhe konsiderohet një mik i ngushtë personal i presidentit rus, Vladimir Putin.

Presioni ndaj Shroderit për t’u distancuar nga Putini u rrit pas pushtimit rus të Ukrainës, në shkurt.

Në maj, Schroder më në fund njoftoi se do të largohej nga bordi mbikëqyrës i gjigantit rus të energjisë ”Rosneft”.

Ai gjithashtu hodhi poshtë një nominim për një pozicion të bordit mbikëqyrës në ”Gazprom”.

Por, në një intervistë të fundit me transmetuesin privat RTL/ntv, Schroder edhe një herë refuzoi të distancohej nga Putini.

Ai mbështeti gjithashtu vënien në funksion të tubacionit të diskutueshëm ”Nord Stream 2” të detit Baltik, i cili u pezullua pas pushtimit rus.

 

---