Zviceranët kanë shkallë të lartë të imunitetit

Rreth 70 për qind e popullsisë së gjithmbarshme zvicerane dhe 80 për qind e personave mbi 16 vjeç kanë marrë imunizimin bazë kundër koronës

Imuniteti në popullatën zvicerane konsiderohet të jetë i lartë për shkak të vaksinimit dhe infeksioneve të kaluara, transmeton albinfo.ch. Këshilli Federal supozon se mbi 97 për qind e popullsisë zvicerane tashmë ka rënë në kontakt me virusin.

Qeveria ia atribuon këtë rrjedhës së valës aktuale BA.5 me shumë infeksione të reja gjatë muajve të verës, siç njofton ajo në një komunikatë të saj të lëshuar sot, shkruan srf.ch.

Rreth 70 për qind e popullsisë së gjithmbarshme zvicerane dhe 80 për qind e personave mbi 16 vjeç kanë marrë gjithashtu imunizimin bazë kundër virusit korona, gjegjësisht dy vaksinat. Rreth dy të tretat e tyre kanë marrë gjithashtu vaksinimin e parë përforcues.

Në shtator, Zyra Federale e Shëndetit Publik dhe Komisioni Federal për çështjet e vaksinimit planifikojnë të shpallin rekomandimet e vaksinimit për stinën e vjeshtës.

---