Kuriozitete
A i gjurmon Instagram të dhënat e vendndodhjes?
Drejtori ekzekutiv i Instagram, Adam Mosseri, dhe ekipi i rrjeteve sociale të Instagram-it po i mohojnë pretendimet, ku thuhet se aplikacioni në fjalë i gjurmon të dhënat e vendndodhjes tuaj dhe po e shpërndanë atë me ndjekësit tuaj, të cilët mund ta shohin se ku ndodheni ju.
GSM Arena raporton se një postim i cili u bë viral pretendon se “një përditësim i fundit në iOS” ka bërë që “njerëzit tani mund ta shohin vendndodhjen tuaj të saktë nëpërmjet Instagram-it”.
Kjo ka nxitur shumë njerëz që të shkojnë tek parametrat e aplikacionit të Instagram dhe t’i çaktivizojnë lejet e aplikacionit për vendndodhje.
Ekipi i Instagram Comms postoi në profilin e tyre në Twitter në lidhje me postimin viral, duke qartësuar se cilat janë politikat e Instagram mbi të dhënat e vendndodhjes.
Ndërsa Adam Mosseri shpjegon se veçoritë e Instagram lejojnë etiketimin e vendndodhjes në postim, por që aplikacioni asnjëherë nuk do ta shpërndajë vendndodhjen e përdoruesit me njerëzit e tjerë.
Një postim viral i Instagramit nuk është gjithmonë informacioni më i besueshëm – gjithmonë duhet të bëni një verifikim të informacionit.
Postimi në fjalë asnjëherë nuk përmendi se nëse kjo veçori e shpërndarjes së vendndodhjes është vepër e Instagram-it, por që pa asnjë bazë i referohet “një përditësimi të fundit të iOS”.
Nëse jeni të shqetësuar se aplikacioni po e përdor vendndodhjen tuaj, atëherë ju duhet që ta çaktivizoni atë nga parametrat e aplikacionit në pajisjen tuaj.
iOS dhe Android, që të dyja ofrojnë opsionet e shpërndarjes së një vendndodhje të përafërt, dhe të dyja mund të regjistrojnë regjistrat e historisë se cilat aplikacione po qasen tek të dhënat e vendndodhjes.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
-
Liverpuli kërkon mbrojtësin shqiptar që luan në Gjermani
Jeta në Zvicër
-
Zvicra, në fund të “tabelës së ligës evropiane” për energjinë e prodhuar nga dielli dhe era Zvicra është në fund të “tabelës së ligës evropiane” kur bëhet fjalë për energjinë elektrike të...
-
Qeveria zvicerane kundërshton krijimin e fondit prej 15 miliardë CHF për ushtrinë dhe Ukrainën
-
Policia zvicerane ka problem rekrutimi, shumica e aplikantëve nuk i plotësojnë kriteret
-
Forcat Ajrore Zvicerane do të përdorin autostradën për ushtrime testuese
-
Varësia nga lojërat e fatit është rritur ndjeshëm në Zvicër