Lajme
Paralajmërimi i ministres belge për gazin: Do të kalojmë ferrin nëse nuk veprojmë
Bashkimi Evropian do të përjetojë një seri dimrash “të tmerrshëm”, pa kontrolluar dot çmimin e gazit natyror.
Kështu ka deklaruar ministrja e Energjetikës në Belgjikë, sipas të cilës 5 deri në 10 dimrat e ardhshëm do të jenë fatalë nëse nuk merren masa.
“Ne duhet të veprojmë në nivel evropian dhe të ngrimë çmimet e gazit”, ka thënë Tinne Van der Straeten në profilin e saj në Twitter.
Ministrja ka bërë thirrje për një kufi evropian të çmimit të gazit, duke theksuar se koha e fjalëve ka përfunduar dhe se është koha për të vendosur.
Mbështetja për kontrollin e çmimeve në nivel evropian është rritur në mbarë bllokun, përballë rritjes së kostove të energjisë për shkak të luftës në Ukrainë.
“Ka një nevojë urgjente për të vendosur kufirin evropian të çmimit. Kjo mund të reduktojë faturat e energjisë me 770 euro në vit për familje”, ka saktësuar më tej Van der Straeten.
Zyrtarja e lartë ka paralajmëruar gjithashtu se tregu energjetik evropian po falimenton dhe ka nevojë urgjente për reforma.
Qeveri të ndryshme evropiane kanë ndërmarrë një sërë veprimesh për të lehtësuar kostot e energjisë për konsumatorët, me shumë qytetarë që po përpiqen t’i bëjnë ballë situatës.
Masa të tjera të propozuara për të frenuar rritjen e kostos së jetesës janë taksimi i përfitimeve të kompanive energjetike, ofrimi i asistencës financiare për qytetarët dhe subvencionimi i transportit publik./Euronews
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
10 muaj burgim me kusht për kosovarin, shantazhoi burrat Takimet rombantike me burrat e moshuar dhe për para po lulëzojnë në Zvicër. Një i ri...
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë
-
Pse kompanitë në Zvicër duhet të paguajnë taksat e kishës?