Lajme
Sulmi terrorist në Nisë: 4 shqiptarë akuzohen për ndihmë ndaj autorëve
Në Nisë ka nisur procesi gjyqësor ndaj 8 personave, për rolin e tyre në sulmin terrorist të 2016-s, një ndër më të rëndët në shtetin francez.
6 burra dhe një grua janë paraqitur në gjykatë, nën akuzën e komplotimit për të ndihmuar terroristët që vërshuan me një kamion ndaj turmës me njerëz në Ditën e Bastijës, para se të vriteshin nga policia.
Një i dyshuar i tetë, që aktualisht ndodhet i arrestuar në Tunizi, po gjykohet në mungesë.
“Erdha këtu për familjarët e humbur, por edhe për vete, pasi kam përjetuar një tronditje të madhe emocionale në 6 vjetët e fundit. Ndaj mendoj se është me rëndësi ardhja këtu, për të treguar se jemi ende gjallë. Është diçka që duhet bërë”, tha Laurence Bray, familjare e viktimave.
Mes të dyshuarve, 4 janë shtetas shqiptarë, 2 franko-tunizianë dhe 2 vetëm tunizianë. Tre prej tyre akuzohen për pjesëmarrje në celulë terroriste, ndërsa 5 për trafik armësh.
“Jam e stresuar, zemra më rreh fort dhe ndjej shumë dhimbje. Mezi e kam pritur këtë gjyq. 6 vjet mund të duken shumë, por janë koha e duhur për t’u bërë i fortë dhe për t’u përballur me këtë gjyq”, u shpreh Seloua Mensi, familjare e viktimave.
Prokurorët po kërkojnë dënime që variojnë nga 5 vjet deri në burgim të përjetshëm. Procesi është konsideruar një “moment përkujtimor” nga avokatët e familjarëve të viktimave. Ai do të zgjasë deri në dhjetor dhe gjatë tij pritet të flasë edhe ish-presidenti François Hollande.
Të tjera nga Lajme
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll