Krahas aktiviteteve që ka mbajtur, Rita dje u dekorua nga Presidenti i Shqipërisë, Bajram Begaj, me titullin “Naim Frashëri”.

Ndërsa, sot 31-vjeçarja ka mbajtur një konferencë për media me kryetarin e Bashkisë së Tiranës, Erion Veliaj.

Ndër të tjera, Rita nuk ka lënë pa përmendur rastin e dhunimi të 11-vjeçares në Prishtinë nga pesë persona të dyshuar që tronditi opinionin.

“Është e rëndësishme të tregojmë që ëndrrat bëhen realitet edhe nga vendi ynë i bukur. Sonte është një festë, por dua të shfrytëzoj rastin të them se sa e rëndësishme është. E di çfarë ka ndodhur, një përvojë traumatike që ndodhi pak javë më parë, është shumë e rëndësishme të dimë se si t’i rrisim fëmijët tanë dhe t’u japim mundësi fëmijëve se si t’i respektojnë femrat dhe të trajtohemi barabartë dhe të ndihemi rehat të ecin rrugës”, tha Ora.

Ndër të tjera, Rita tha gjithashtu se ndihet e privilegjuar që ndodhet në Tiranë dhe të performojë para fansave në vend.