Ukraina
Vuçiç paralajmëron Luftë III Botërore: Konflikti në Ukrainë do të bëhet global
Presidenti serb, Aleksandar Vuçiç, ka deklaruar se shumë shpejt bota do të përfshihet nga një konflikt ushtarak, që sipas tij, nuk është parë që prej Luftës së Dytë Botërore.
Në një intervistë për Radio Televizionin Serb nga Nju-Jorku, ku po merr pjesë në punimet e Asamblesë së Përgjithshme të OKB-së, Vuçiç ka theksuar se lufta në Ukrainë ka shumë gjasa të kthehet nga një konflikt lokal në një global.
“Mendoj se do të kalojmë nga një operacion ushtarak special në një luftë të madhe dhe çështja që shtrohet është ku është vija e kuqe. Ne do të hyjmë në një konflikt global të gjerë, siç nuk e kemi parë që prej Luftës së Dytë Botërore në një ose dy muajt e ardhshëm”, ka deklaruar Vuçiç.
Kreu i shtetit serb ka nënvizuar se pozicioni i Serbisë është edhe më i rëndë, pasi roli i OKB-së në botë është dobësuar nga fuqitë e mëdha, të cilat sipas tij, duan gjithçka për vete dhe ‘de fakto’ kanë shkatërruar rendin e Kombeve të Bashkuara në dekadat e fundit.
“Për ne që jemi të vegjël dhe që duam të garantojmë siguri për qytetarët tanë, ky nuk është një lajm i mirë dhe unë pres që gjërat të komplikohen edhe më tej mes Perëndimit dhe Federatës Ruse dhe gjithashtu mes Perëndimit dhe Kinës”, ka thënë Vuçiç.
Sa i takon Kosovës, ai ka shtuar se së shpejti do të ketë të tjera vende që do të tërheqin njohjen e pavarësisë së saj, edhe pse nuk ka saktësuar se cilat janë ato./Euronews
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Fitimet e Bankës Kombëtare të Zvicrës kthehen në nivele rekord Përveç një fitimi prej 52.4 miliardë CHF në zotërimet e saj në valutë të huaj, SNB...
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?