Zvicra dhe Italia rrisin kontrollet e përbashkëta kufitare

(KEYSTONE/Ti-Presss/Alessandro Crinari)

Kontrollet po shtohen në anën zvicerane dhe italiane të kufirit për të luftuar imigracionin e parregullt. Patrullat italo-zvicerane po veprojnë tani pranë liqenit Maggiore, u raportua të enjten.

Patrullat kufitare italo-zvicerane do të kontrollojnë trafikun e makinave dhe hekurudhave si pjesë e bashkëpunimit ndërkufitar midis dy fqinjëve për të luftuar imigracionin e parregullt, tha në një deklaratë Zyra Federale për Doganat dhe Sigurinë Kufitare, transmeton albinfo.ch.

Deri më tani patrulla të përbashkëta kufitare ishin aktive në anën italiane, në lindje të liqenit Maggiore, në provincat Varese dhe Como. Tani e tutje, fushëveprimi i këtyre patrullimeve do të shtrihet në rajonin e Lokarnos dhe rajonin Verbano-Cusio-Ossola në Itali, në bregun perëndimor të liqenit Maggiore.

Lehtësimi i kufizimeve të epokës së pandemisë ka sjellë një rritje të numrit të emigrantëve që marrin rrugën ballkanike për në zemrën e begatë të Evropës, transmeton tutje albinfo.ch.