Mbi 84 milionë banorë në Gjermani

Keystone (AP Photo/Martin Meissner)

Numri i njerëzve që jetojnë në Gjermani ka shënuar ngritja historike. Ky numër ka kaluar 84 milionë për herë të parë në historinë e vendit. Të dhënat janë publikuar nga zyra Federale e Statistikave.

Në gjysmën e parë të vitit 2022 numri u rrit me 843 000, ose 1%, sipas Zyrës Federale të Statistikave të Wiesbaden. Në gjithë vitin 2021, popullsia u rrit vetëm me 82 000, ose 0.1%.

“Faktori vendimtar për zhvillimin aktual është fluksi i refugjatëve nga Ukraina pas luftës së agresionit rus”, theksohet në raport.

Bazuar në këto shifra në gjysmën e parë të vitit ka pasur një emigracion neto prej rreth 750 mijë ukrainas drejt Gjermanisë. Në total, emigracioni neto ishte rreth 1 milion njerëz. Kjo ishte shtatë herë më e lartë se në gjysmën e parë të 2021-ës.