Kufiri i çmimit të gazit është ende temë e nxehtë në BE

Keystone EPA/STEPHANIE LECOCQ

Sot mbahet dita e dytë e samitit të krerëve të shteteve dhe qeverive të vendeve anëtare të Bashkimit Evropian në Bruksel.

Gjatë ditës së parë, tema e nxehtë ishte kriza energjetike dhe liderët diskutuan për gjetjen e një zgjidhjeje për çmimet e larta dhe një furnizim më të sigurt me energji.

Vendet anëtare të BE-së tashmë kanë rënë dakord të ruajnë sa më shumë gaz të jetë e mundur dhe të rikuperojnë të ardhurat nga firmat e energjisë për t’i shpenzuar për të ndihmuar konsumatorët.

Udhëheqësit e BE-së në samit përfundimisht mbështetën propozimet nga Komisioni Evropian duke filluar nga kjo javë për të nisur një çmim alternativ reference për gazin natyror të lëngshëm dhe blerjet vullnetare të gazit të grumbulluar, megjithëse ligjet për ta bërë këtë do të negociohen në ditët në vijim, shtoi Reuters.

Megjithatë, pas një jave negociatash mes liderëve, ministrave dhe diplomatëve të BE-së, samiti u ndërpre sot në mëngjes rreth orës 02:00 të mëngjesit pa një vendim përfundimtar për kufirin e çmimit të gazit./Reuters