Gjermania vendos për subvencionimin e gazit tek konsumatorët

@pixabay

Qeveria gjermane ka rënë dakord për një pagesë të propozuar për konsumatorët e gazit gjatë një takimi të kabinetit.

E ashtuquajtura masa e ndihmës emergjente do të mbulojë koston e pagesave të rregullta paraprake të gazit të konsumatorëve për muajin dhjetor.

Ndihma e qeverisë është pjesë e përpjekjeve më të gjera të qeverisë për të lehtësuar ndikimin e krizës energjetike në rritje, që rezulton nga përgjigja perëndimore ndaj luftës së Rusisë ndaj Ukrainës, transmeton dpa përjell albinfo.ch.

Ministri i Ekonomisë, Robert Habeck tha se pavarësisht nga një rënie e fundit e çmimeve të gazit me shumicë, zhvillimet e ardhshme ishin të pasigurta.

“Konsumatorët privatë dhe bizneset po vuajnë gjithnjë e më shumë nga këto çmime të larta dhe kanë nevojë urgjente për lehtësim”, tha ai, duke mirëpritur vendimin e qeverisë si një hap i parë i rëndësishëm.

“Hapa të mëtejshme do të pasojnë dhe ne po punojmë pa probleme në qeverinë federale për të zbatuar kufijtë e çmimeve të gazit dhe energjisë elektrike”, tha Habeck.

Sipas një dokumenti, masa e ndihmës emergjente të kushtojë rreth 9 miliardë euro (8.89 miliardë dollarë).

Propozimi legjislativ tani do të shkojë në konsultime parlamentare, ndërsa të dyja dhomat e parlamentit pritet të miratojnë masën deri më 11 nëntor.