Belgjika, shteti ku do të punohet vetëm 4 ditë në javë

Ligji i ri belg lejon punonjësit të punojnë 4 ditë

Së fundmi, qeveria belge deklaroi se punonjësit e këtij shteti tashmë mund t’u kërkojnë pronarëve të punojnë 4 ditë në javë, pa humbur asnjë qindarkë nga paga e tyre, përcjell albinfo.ch.

Thuhet se ligji i ri belg lejon punonjësit të punojnë ditë më të gjata gjatë javës, që i lejon ata të kenë një fundjavë 3-ditore.

Pronarët kanë mundësi ta refuzojnë këtë kërkesë vetëm nëse kanë një arsyeje mjaft të mirë për ta bërë këtë.

Që duhet ta shoqërojnë me një letër formale adresuar shtetit belg.

Belgjika e ka konsideruar këtë ide që prej tetorit, në fillim si pasojë e pandemisë, e më pas për të parë nëse kjo iniciativë do të sillte rezultate pozitive.

Sipas ligjit të ri, punonjësit mund të punojnë një maksimum prej 9.5-10 orësh në ditë.

Punonjësit do të vendosin vetë nëse do të punojnë 4 ditë apo jo. Megjithatë, orari i punës nuk do të ulet në sistemin e ri. Ata që duan të punojnë 4 ditë, do të shtojnë orarin e punës gjatë këtyre 4 ditëve.

---