Konstatohet cënimi i drejtës së votës së emigrantëve në pamundësimin e votës së tyre

Diaspora për Shqipërinë e Lirë njofton se, Gjykata Kushtetuese e Republikës së Shqipërisë vendosi në favor të padisë së lëvizjes për çështjen e ngritur kundër Shtetit Shqiptar me objekt “Konstatimi i cenimit të së drejtës kushtetuese të votës së emigrantëve në zgjedhjet për Kuvendin e Shqipërisë më 25.04.2021. Deklarimi i Urdhrit nr. 219, datë 19.04.2021 “Për karantinimin e personave që vijnë në Republikën e Shqipërisë nga Republika e Maqedonisë së Veriut dhe Greqia” si i papajtueshëm me Kushtetutën e Republikës së Shqipërisë.””.

Gjykata Kushtetuese ka konstatuar shkeljen e Kushtetutës në zgjedhjet Parlamentare të Prillit 2021 duke realizuar brenda afateve kohore Votën e Diasporës dhe njëkohësisht Gjykata DETYRON Kuvendin e Shqipërisë të plotësojë boshllëkun ligjor brenda një viti nga hyrja në fuqi e vendimit!

Gjithashtu Gjykata Kushtetuese konstaton gjithashtu paligjshmërinë e vendimit të Komitetit të Covid19 pranë Ministrisë së Shëndetësisë për ti privuar shqiptarëve me banim në Greqi dhe Maqedoninë e Veriut për karantinim të detyruar përgjatë periudhës së zgjedhjeve parlamentare, transmeton albinfo.ch.

Sot, të gjithë shqiptarët e Diasporës duhet të jenë krenarë!

Cenimi i votës së tyre tashmë ndodhet i skalitur në librat e pa-kushtetueshmërisë dhe shteti shqiptar si dhe aktorët kryesorë politikë vendosen me shpatulla pas murit për ta mundësuar këtë të drejtë kushtetuese!

Partitë politike të mos vonojnë procesin e realizimit të kësaj të drejte kushtetuese!

Ky vendim shënon një pikë kthese për të gjithë ne dhe numërimi mbrapsht ka filluar.

Falënderojmë përzemërsisht Fondacionin “Halimi“, veçanërisht z. Eduard Halimi e avokatin z. Marash Logu për punën e palodhur me këtë çështje si dhe Gjykatën Kushtetuese që u shpreh pro kërkesës tonë.

Lajmërimi i Gjykatës gjendet këtu:

https://www.gjk.gov.al/web/NJOFTIM_P_R_SHTYP_2337_1-1.php?fbclid=IwAR1ARV-Bm3JmhxnnvgUDkzrx3Sj6qE8fJ3Bij079GLXSreJaFRacALuCSTQ