Detaje nga vrasja e dyfishtë në Shkup

Prokurori publik kujdestar nga Prokuroria Themelore Publike në Shkup ka kryer ekspertizë në banesën në rrugën “Ruzveltova” ku sipas informacioneve fillestare një 40 vjeçar i ka marrë jetën nënës dhe gjyshes së tij, njoftojnë nga Prokuroria.

“Prokurori publik për zbardhjen e ngjarjes do të lëshojë urdhër për autopsi të të ndjerëve, si dhe ekspertizë të të gjitha gjurmëve të konstatuara në vendngjarje”, thuhet në njoftimin e Prokurorisë Themelore Publike-Shkup, raportojnë mediat shqiptare në Shkup, përcjell albinfo.ch.

“Njoftimi pason informacionin se sot rreth orës 14:40, zyrtarë policorë të stacionit policor Karposh kanë arrestuar 40-vjeçarin M.J. nga Shkupi, për shkak të dyshimit se rreth orës 14:20 në banesë në rrugën “Ruzveltova” me mjet të mprehtë ka sulmuar nënën dhe gjyshen e tij, të moshës rreth 60 dhe 80 vjeç, të cilët nga plagët e marra kanë ndërruar jetë”, thuhet në deklaratën e Ministrisë së Punëve të Brendshme të Maqedonisë Veriore.