Zvicër: Ekspertët bëjnë thirrje për të trajtuar mungesën e furnizimit të barnave

(KEYSTONE/Gaetan Bally)

Autoritetet zvicerane duan që farmacitë të shpërndajnë barna të caktuara farmaceutike në sasi më të vogla për të luftuar mungesën e barnave, përcjell albinfo.ch.

Një panel ekspertësh rekomandoi ndalimin e shitjes së paketave të mëdha të barnave nëse paketat origjinale nuk janë më të disponueshme, sipas Zyrës Federale për Furnizimin Ekonomik Kombëtar.

Masa synon të reduktojë humbjen e barnave dhe të lejojë që produktet t’u shiten më shumë pacientëve gjatë ndërprerjes aktuale të furnizimit, tha ajo të mërkurën.

Megjithatë, pacientët duhet të vazhdojnë të marrin sasinë e medikamenteve të nevojshme për një terapi të suksesshme. Dhe atyre duhet të vazhdojnë t’u jepet inserti origjinal i paketimit, thanë ekspertët.

Masa e fundit është e kufizuar në kohë dhe do të mbahet vetëm derisa të stabilizohet situata e furnizimit për substancat aktive në fjalë, përcjell tutje albinfo.ch.