Sporte Luftarake
Jakaj përballet me nacionalistin serb Nikoliq
Meçi do të mbahet në Vjenë të Austrisë, sonte, më 24 mars 2023
Mësohet se boksieri kosovar i kategorinë gjysmë të rëndë, Bernardin Jakaj, të premten mbrëma në Austri do ta ketë një meç të rëndësishëm në karrierë, përcjell albinfo.ch.
Thuhet se ai do të përballet në duel prej dhjetë raundesh me boksierin nacionalist serb, Marko Nikoliq.
Për Bernardin Jakajn do të jetë meç mjaft me peshë, por edhe emocional. 25-vjeçari nga Gjakova i ka 13 fitore nga po aq meçe dhe synon ta mbajë këtë bilanc të qindpërqindtë.
“Jam mjaft i përgatitur dhe synoj fitoren”, ka thënë Jakaj për KOHËN.
Boksieri serb, Nikoliq, ka 30 fitore e dy humbje. Ai para përballjes ka provokuar rëndë. Madje këtë e ka bërë duke postuar edhe hartën e Kosovës me flamurin serb dhe me shkrimin “S’ka dorëzim”.
Boksieri serb me të konfirmuar lajmin për meçin me shqiptarin, ka shkruar në Facebook duke përmendur fillimin e bombardimeve të NATO-s ndaj Serbisë, më 24 mars 1999, që koincidon edhe me datën kur do të zhvillohet përballja në Austri.
“24 mars në Vjenë, një sfidë e re. Në atë ditë të vitit 1999 filloi agresioni i NATO-s dhe i gjithë botës kundër Serbisë, kështu që më 24 mars të gjithë do të jenë kundër meje dhe ekipit tim. Por ne do të bëjmë më të mirën gjithmonë. Kundër një boksieri të pamposhtur do të shkojmë për gjithçka apo asgjë. Rroftë Serbia”, ka shkruar Nikoliq.
Promotori Shpëtim Shala ka treguar se për mbrëmjen e së premtes ka masa shtesë të sigurisë dhe se çdo gjë është gati për spektakël boksi. Natyrisht, shpresohet që spektakli të përfundojë me festën e shqiptarëve.
“Jemi gati për një mbrëmje të madhe të boksit. Do të ketë meçe të forta. Bernardini është i gatshëm për fitore”, ka thënë Shala për Kohanet.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale