240 mjekë e braktisin çdo vit Maqedoninë

Ilustrim

Kreu i Shoqatës së Mjekëve të Maqedonisë, dr. Goran Dimitrov, sot tha se vendi duhet të zhvillojë shërbimet mjekësore edhe në qytetet e tjera, përveç kryeqytetit. Dimitrov deklaroi se një ndër problemet kryesore është ikja e mjekëve jashtë vendit, që sipas tij, në vit kap shifrën 240, përcjell albinfo.ch.

“Numri i mjekëve po zvogëlohet. Nëse mund të jem i përafërt, nuk mund të themi… ja nuk kemi numra për shkak se çdo ditë përditësohet, që 200 deri në 240 mjekë e lëshojnë vendin çdo vit. Do të thotë, numri po zvogëlohet, duhet të rritet numri. Kemi 3 fakultete të mjekësisë, në Shtip, në Shkup dhe në Tetovë. Edhe zvogëlimi natyror, d.m.th. me pensione dhe vdekje, këtu është edhe ikja jashtë vendit. Në këtë duhet të punojmë”, tha Dimitrov.