Zvicër: Disa persona dëmtojnë makinat e shtrenjta në Cyrih

Ilustrim

Të gjitha makinat më të shtrenjta që ishin parkuar Witikon në Cyrih u dëmtuan nga disa persona të cilët lanë edhe disa parulla. “Jo mafia”, “Fëmijët”, “kokaina” ose “psikiatër” janë disa prej fjalëve që u shkruan në këto makina. Sipas banorëve, një numër makinash u gërvishtën në rrugën private Im Glockenacker në Cyrih-Witikon, shkruan 20minuten, përcjellë albinfo.ch.

“Vetëm makina më të shtrenjta dhe më të mëdha u dëmtuan,” thotë një banor. Ai mendon se autorët këtë e bën për arsye politike ose edhe thjesht për shkak të statusit dhe pasurisë së pronarëve të makinave. Ai njofton se ka lajmëruar edhe policinë por që nuk kishte ndërhyrjen e nevojshme, çka e ka rritur shqetësimin tek ai, raporton 20minuten, përcjellë albinfo.ch.

Tetë makina janë dëmtuar. Kur u pyet policia e qytetit, u tha se dëmtimi i pronës ishte një shkelje që do të ndiqej penalisht vetëm nëse do të bëhej një kallëzim përkatës. Në polici ishin paraqitur gjithsej gjashtë pronarë automjetesh, dy të tjerë në postë në qytet. Një i dyshuar tashmë është marrë në pyetje në bazë të vëzhgimeve. “Në këtë rast edhe ekipi i mjekësisë ligjore ka qenë në vend”, thonë nga policia, shkruan 20minuten, përcjellë policia.