Lajme
Emmen (LU): Onidi 9 vjeçar pëson lëndime të rënda nga kafshimi i qenit
Vogëlushi Onid Zenuni u desh të dërgohej në spital me plagë të shumta nga kafshimi i qenit. Pronari duhet të llogarisë me një padi kundër tij
Një djalë nëntë vjeçar nga Emmeni (Kantoni i Lucernit) ishte duke luajtur jashtë me moshatarët e tij kur u sulmua nga qeni i një fqinji. Vogëlushi me emrin Onid Zenuni u desh të dërgohej në spital me plagë të shumta nga kafshimi i qenit. Pronari duhet të llogarisë me një padi kundër tij.
Siç konfirmon policia e Lucernit për gazetën “Blick”, djaloshi nga Emmeni është sulmuar nga një qen i racës Labradoodle të enjten e javës së kaluar.
Përkundër goditjeve dhe grushtave mbrojtëse të djalit, qeni kishte vazhduar të kafshonte, thonë prindërit për gazetën. Vetëm pas ndërhyrjes së shokut të pronarit të qenit dhe një kalimtareje të moshuar, qeni e kishte lëshuar përfundimisht djalin.
Ondidi, nxënës i klasës së tretë ka pësuar lëndime të konsiderueshme në faqe, qafë dhe dorën e majtë.
Ai u desh të trajtohej në Spitalin e Fëmijëve të Lucernit. Onidi është më mirë tani, por ai është ende i traumatizuar dhe vazhdon të jetë në spital, thonë prindërit e tij.
Sidoqoftë, rasti ka pasoja për pronarin: Si masë e menjëhershme, policia e Lucernit dhe shërbimi veterinar kantonal kanë vendosur ta detyrojnë pronarin që ta mbajë qenin me zinxhir dhe t`i vejë maskë mbrojtëse ka thënë për gazetën veterineri kantonal Martin Brügger.
Por, familjarët e viktimës nuk janë të kënaqur me kaq. Babai, Nexhat Zenuni, ende i shokuar edhe më shumë se një javë pas sulmit shprehet i habitur: “Qeni e ka kafshuar rëndë fëmijën dhe ende i lejohet të ecë lirshëm – pa pasoja. Si bën kështu?!”. Ai kërkon që qeni të “vihet në gjumë” (vdekje e asistuar).
Ndërkohë janë marrë masa të mëtejshme: “Kemi monitoruar dhe vlerësuar në vazhdimësi situatën. Qeni më në fund u vendos në një strehë kafshësh të martën për të minimizuar më tej rrezikun për publikun”, thonë në polici, përcjell albinfo.ch. Qeni gjithashtu i nënshtrohet një vlerësimi të karakterit, nga i cili më pas mund të nxirren masa të ndryshme.
Të ngjashme
Të tjera nga Lajme
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Wiedikon: Vendasit, të indinjuar me qiratë e larta Një kompleks i ri apartamentesh po krijon disa polemika për shkak të qirave të larta –...
-
Gjendet viktima e fundit e ortekut të prillit
-
Rritet numri i pasagjerëve në transportin publik të Gjenevës
-
Gjashtë gjëra që duhet të dini për pagat në Zvicër
-
Cilat profesione janë më të paarritshme nga të huajt në Zvicër